არც ია ხარ და არც ვარდი

არც ია ხარ და არც ვარდი, 
ერც ენძელა დახატული, 
არც მზისა ხარ და არც მთვარის, 
არც ზღვა და არც ნაკადული;  

მე ვერავის შეგადარებ, 
შენ ყველაზე ქებული ხარ;
ცოლი გქვია, თორემ ისევ 
ჩემი შეყვარებული ხარ.

                                        ***

ჩუმი თრთოლვა ხარ ჩემი გულის, სულის კივილი,
ჩემი სიცოცხლე შენ ერთს გეკუთვნის, მიგულე ფარად.
ღმერთს ვევედრები, მე გადმომეცეს ყველა ტკივილი,
რომ შენს თვალებში სიხარული სუფევდეს მარად.