ზოგჯერ სიზმარი რეალობის დასასრულია…
მივდივარ სალთად, მივაცილებ ღრუბელთა ვერძებს, შენ გზის ბოლოში მომლოდინე, ალბათ ნისლი ხარ, როგორ მინდა, რომ აჩრდილივით მომსდევდე გვერდზე, შენ კი მიდიხარ, ვერც კი მამჩნევ, ისე მიდიხარ. თუკი სიზმრებში შემიძლია მოვიდე შენთან, დაე, სიზმრებად გადამექცეს, ცხადი, სრულიად, ზოგჯერ ცხოვრება სიზმარია, ღრუბლებთან შერთვა, ზოგჯერ სიზმარი რეალობის დასასრულია.. ვინ იცის მარტი, კიდევ რამდენ ოცნებას გალევს, მთვარე მდარაჯობს, ჩემი თეთრი ღამის მორიგე, ახლა იმგვარად მიეტმასნა ლოდინი კარებს, ბედისწერასთან ვერცერთ თამაშს ვეღარ მოვიგებთ. დგას გაზაფხული, ვით ბოგანო და უსახლკარო, ია იები სადღაც მაინც უნდა დავძებნო, ჩამომსხვრეულა ნაწილებად თითქოს სამყარო, და აღარ ვიცი ნაწილები რით შევაწებო... მომიახლოვდი, დამავიწყე ყველა იარა, გარიყე დარდი, ამ გულიდან გაურიყავი, როგორიცა ხარ იმნაირი მსურხარ კი არა, მინდოდა მეთქვა, ოცნებაში როგორც იყავი.. სათაურივით ყველა ფიქრში ისე მეწყები, ნეტავი ახლა ყველა ჩემი ფიქრი განახა, თუ ბუდეებთან ბრუნდებიან მუდამ მერცხლები, მერცხლის ოდენაც დავიჯერო, როგორ არა ხარ! მარიამ მოლაშხია (მერი)
შეგიძლიათ გააზიაროთ მასალა, თუ მიუთითებთ ავტორს.
4 კომენტარი
და აღარ ვიცი ნაწილები რით შევაწებო...
------
SikaBond არის შვეიცარიული კომპანია Sika-ს მიერ წარმოებული სამშენებლო წებოების და დამკავშირებელი (ბონდინგ) საშუალებების სერია.
ძირითადი დანიშნულება
• სამშენებლო და სარემონტო წებოები: გამოიყენება ხის, პარკეტის, ლითონის, რეზინის, ქაფპლასტის, თბოიზოლაციისა და სხვა მასალების ძლიერი და ელასტიური შეერთებისთვის.
• ცემენტის ხსნარების დანამატები (SikaBond LA / SBR): გამოიყენება ძველ და ახალ ბეტონს შორის გადაბმის გასაუმჯობესებლად, ასევე ლესვისა და მოჭიმვის (სტიაჟკის) სამუშაოებში ადჰეზიის გასაძლიერებლად.
Sika-ს პროდუქცია და სხვა სამშენებლო მასალები შეგიძლიათ იხილოთ ისეთ ადგილობრივ პლატფორმებზე, როგორიცაა დომინო ან Grossmann.
თუ კონკრეტული SikaBond-ის პროდუქტის (მაგალითად, პარკეტის წებოს ან ცემენტის დანამატის) შესახებ გაინტერესებთ დეტალური ინფორმაცია, მოწერეთ მისი დასახელება და დაგეხმარებით.
ზმბობენ ხანდახან სამყაროს ნამსხვრევებსაც შველისო
მომიახლოვდი, დამავიწყე ყველა იარა,
-----
ჩემს დროს ამბობდნენ მომიშუშე იარა,შემიხორცე,გამიმთელე.მიმკურნალე და ასე შემდეგ
ისე,მთლიანობაში კარგი ქართულით წერ
სათაურივით ყველა ფიქრში ისე მეწყები,
----
უკაცრავად,მეწყები რა უბედურებაა?ზმნას სად სწავლობდი?
არ არის ასეთი ზმნა.
მე მეწყება
შენ გეწყება
მას ეწყება ...
მაგრამ არა
მე მეწყები
შენ გეწყები....
მას ეწყება-არის