1 0 24
გრძნობის დაისი
ვერ დაადუმებ გრძნობის ზოდიაქს,
როცა გულს ყვავის თეთრი მაისი,
გულის კონიაკს - ვთოვდი ფორიაქს
და სიყვარული თთრთოდა აისი...
არც კესანები და არც ვარდები,
ნაზი ნოტები უკვდავ რიტმების,
სული, გული და ცის ლაჟვარდები,
მე შენ გაჩუქე მთოვი სიტყვები...
-
მწველ სიყვარულის ლურჯი უსაზღვროების -
ცისარტყელები და ოკეანეები,
"მე შენ მოგიძღვენი ნაზი აკორდები",
მე შენ მოგიძღვენი სამყაროს ფერები...
ფესვი ვერ გაიდგეს ლამაზმა ფიქრებმა,
ლამაზად კვდებიან ლამაზი გრძნობები...
ფიფქები დნებიან და მითხრეს ფიფქებმა -
ზეცაში მიდიან თეთრი ამბორები.
-
იდუმალ ფიქრთა თეთრ ვარიანტში
მუდამ ანთია ცის ლაჟვარდები,
ანგელოსების ფრთათა ფარფატში
ნაზად ყვავიან თეთრი ვარდები...
-
გულის კონიაკს, ვთოვდი ფორიაქს,
იყო ზმანება, იყო აისი,
რა დაასრულებს გრძნობის ზოდიაქს,
დროა მოვთოვო სულის დაისი.
13-06-2020