***

ფიფქავს თეთრი მთოვარე " ნაზად უთეთრეს სხივებს,
მაღალ სიჩუმის გამებს " თოვს ლურჯი ღამის ქნარი,
სადღაც შორს - ლურჯ მწვერვალზე " - ზეცად მივყავარ სიზმრებს,
ვშლი უშველებელ ფრთაებს, " ვქრი თავისუფლად ვით ქარი...

ფიქრის სიჩქარით ვწვდები " ლაჟვარდებს გალაკტიკის,
ვარსკვლავს ვალსს ვეცეკვები, " მიღმიერ სიღრმეებს ვფლობ,
სამყაროს სრულად ვწყდები " ნოტებით ცის მუსიკის,
ჰანგებით უკვდავების " ახალ სიმღერებს ვგალობ...

თეთრ მუზას ვეფერები " გრძნობებით მიჯნურ მეფის,
ხელახლა ვიბადები " სულ სხვა სიმაღლის ღმერთი,
იდუმალ ამბორებას " მი გულით მუდამ ვეტრფი,
ვეთაყვანები გზნებით " სინაზეს თეთრ ქალღმერთის...

შინაგან სიფაქიზეს, " უმანკოებას გულის,
თეთრის უბიწოებას, " რომელიც სულ მამშვიდებს,
ღვთაებრივ სინატიფეს " და სილამაზეს სულის,
მის წმიდა ამბორებას " მარადის განვადიდებ...

მის თვალთა სიიისფრეს " - ვუმზერ - ვიწვი და ვდუმვარ,
სიყვარულს ვინ მაერთებს " ის მჩუქნის ძლიერებას,
მის თითთა სისათუთეს " მივეფერები მუდამ,
მარადის გავაღმერთებ " ქალწულ მშვენიერებას...

ნათლთ-ნათელსა მნათესა, " თვითმყო იდუმალებას,
ყოვლადწმიდა ბუნების " ყოვლადსრულყოფილ ღმერთქალს,
შვენის სიდიადე და " მარადი ბრწყინვალება,
სისპეტაკე არსების " შვენის თეთრსა დედოფალს...

ცათა ცისა მზეთამზეს, " სულიწმიდა ღვთაებას,
ვინ სულითა აერთებს " ყოელ დიდებულებას,
უკვდავ გრძნობის სიტურფეს " - ვეტრფი დიად სამებას,
მარადის გავაღმერთებ " სულით გამიჯნურებას...
-
სიყვარულის მშობელი " - სინაზე არსს ღვთაება,
სიმამაცე მეფეა " - თეთრი მამა ერთია,
უკვდავების მეუფე " უშველებელ ფრთაება -
სიყვარული ქრისტეა " - სიყვარული ღმერთია...

13-05-2020