ციერ სეზონის ნატვრა ხარ

ყოველ საღამოს მზე ნაზად ჩადის
და გული გალობს ქეთი კვლავ შენთვის,
მიჰქრის დღეები და რაც დრო გადის -
უფრო ძვირფასი ხდები შენ ჩემთვის...

-

აღფრთოვანებით რომ გადამლეკა -
მახსოვს ყვაოდა ჩვენში მაისი,
ახლა არ ვიცი თეთრმა ზამთარმა
ვით გამოხატოს გრძნობის აისი...

ო მე კვლავ მესმის იგი სიმღერა -
ნაზი ამბორით რომ წერა გულმა,
მიდუმებული საერთო ძგერა -
მსურს გააღვიძოს სიცოცხლის სულმა...

მე შემიძლია ამოგიჩემო 
და სიყვარულის გიმღერო ნანა,
მაგრამ არ ვიცი უტკბესო ჩემო -
ვით გამოვხატო გულის ეს გამა...

ო მე არ მესმის წყურვილი ხორცის
და მეშინია შეხება ტუჩთან,
რომ დაასრულებს ამ ზღაპარს ზეცის
და მოაკვდინებს წმიდას და სუფთას...

-

ჩემი სისუსტე და ძლიერება -
ანგელოსი ხარ - გეტრფი დემონი,
ღვთიური გრძნობის ხარ მონატრება -
სამოთხისფერი - ციერ სეზონის...

შორეული და მიუწვდომელი -
შენი სული ფრენს - იქ - სადღაც მიღმა,
შენი ტუჩების სიტკბო მომელის -
ამაღამ მოვალ - გაკოცებ სიზმრად...