შვიდობითი 6

იდუმალი მშვენების თვალებში მნათ ალების -
მომუქლურჯო ზიმზიმი ნაზსა ზამბახს გიხდება,
სიფაქიზის ხატებავ - მოიისფრო ფურცლების -
ტუჩებს - ნაზ ამბორებით რომ შევადნე მინდება...

მადმუაზელ სოფია - ნათობ მის სილამაზევ,
სიყვარულის ვარდისფერ ხანძრად სულზედ მედები,
მწყურის მოგეალერსო გულით მისის სინაზევ -
ხალთ სამება მსურს გიქო სათუთი მოფერებით...

ვერცხლისფერი კარიბჭე - ჰა - გაიხსნა ზეცაზე,
თოვს ქათქათა ღრუბლიდან სისხლისფერი ვარდები,
ლასკალას მოცისფრო და ყვითლად მბრწყინვალ სცენაზე -
თეთრი - მოოქროვილი - ეშვებიან ფარდები...

ცეცხლოვან სიყვარულის ტრფიალის ლაჟვარდების -
შემიყ-ვარდით - მიტომაც მოგიძღვენით ვარდები...