პირველ სიყვარულს

არსებით მზით სუნთქვას, იმ პირველ სიყვარულს,
ვიხსენებ ქალღმერთთან იისფერ პაემანს,
ის იყო ზმანება როს ცისფერ სიხარულს -
მუქლურჯი ღრუბლიდან მათოვდა ღვთაება...

-

ლურჯ ზამბახს მოგევხარ და წმიდა იდეალს -
გულიდან გიმღერ ამ ამურულ სიმღერას,
მაგონებ ანგელოსს და გეტრფი ფსიქეა -
მტაცებელ გრაცია ლედი ლურჯ პანტერას...

ათინათთ ნარნარით თვალებში დადიხარ
და გულზედ მადნები გრძნობათა კოცნებად,
მი სულში სინათლედ ანთიხარ და თრთიხარ -
ბავშვობის სპეტაკი ციერი ოცნება...

გაკოცო ლურჯ სიზმრად შხამიან ტუჩებში -
ჯადოსნურ ფერებით ჰაერში აგწიო,
თეთრ მთვარით ანთებულ ქათქათა ღრუბლებში -
ლაჟვარდის ფრთაებზე მინდა რომ გარწიო...

ზეცაზე გიშალო ტრფიალის ჰამაკი,
ციმციმით აენთო ტყის ლურჯი ფერია,
მინდა ცის განახო ცისფერი ჰავაი,
ეს გრძნობა ჩემს გულში ცეცხლივით მწველია...

სულიდან ბრწყინებულ ბავშვური სიცილით -
გიგზავნით გულიდან იისფერ ამბორებს,
თქვენს ნატიფ ტუჩებზე ახატულ ღიმილის -
წლებია მეტრფე ვარ მზეო მი ამორე...
 
-

ვიხსენებ სახებას სამებურ ხალიანს
და თვალებს მიჯნურის ცრემლები მოდიან,
ველური ძუ ვეფხვი მომწონხართ ძალიან -
სათუთად მიყვარხართ ფრთიანო სოფია...