"ქართველობა ძნელია - მაგრამ აუცილებელი"

გულთავისუფალს სჯულით და არსებით მართლმადიდებელს -
ძარღვებში დასდის ცის სული და უკვდავებით მთვრალია,
რეაქცია აქვს ღვთიური მარად სიკეთის მძიებელს -
ქართველი ბობოქარი და ბოროტებაზედ მწყრალია...

უშიშარ რწმენით მსუფევი მამაცი მეომარია -
ქართველობაო ძნელია - მეფეთმეფური ჯვარია,
ვით ქრისტე კაცობრიობის მარადი მეგობარია -
ეგრეთ ქართველი უმღერის ციერ ერთობის არიას...

სიმართლის ელვარ სინათლით ქართული მეფობს სინდისი -
უცოდველობის სულია და წმიდა ნების გაგება,
დიადთა ღვთიურ თვალებში ბრწყინვალებს მზე მარადისი -
ქართველთ სიწმიდე გულია და სიმართლეა სამება..!

-

გულმგალობელ ფრთიან სულთა და ნაზ ყვავილთ საანგელო -
"არწივების და გმირების სამშობლოა საქართველო",
უსაბამო ცით შვებული "წმიდათ ჯაჭვი უწყვეტია" -
ქართველთ ღმერთი სიყვარულის რაინდი და პოეტია...