ქალწულ თოვლს

იისფრად - როგორ თოვს - როგორ თოვს,
ფიფქები - დათრთიან - ფიქრებად,
გალანტი - მზე პრინცი - ვბობოქრობ,
ედემის - ვარდები - იშლება...
და ცისფერ - მხარეში - სადღაც შორს - 
ზღაპრულად - ცა ფიფქავს - ნაზად თოვს,
იმ ფრთალურჯ - მწვერვალთგან - სამყაროს -
გიგზავნი - იისფერ - ამ ამბორს...
გულში ხარ - სულში ხარ - ფიქრში ხარ -
გოცნებობ - შეგნატრი - მაკლიხარ,
ვფიცავარ - ვფიცავარ - ვფიცავარ -
მწამხარ და მარადის - მახსოვხარ...
სულში ნაზ - მუზიკად - დაჰქრიხარ -
უჭკნობი - მშვენების - გრძნობა ხარ,
საოცარ - სიტურფით - ჰყვავიხარ -
გულს უთქმელ - განცდების - მშობი ხარ...
სულუკვდავ - ბაგეთა - კოცნა ხარ -
მიჯნურის - თვალების - ცრემლი ხარ,
თრთოლვა ხარ - ტრფობა ხარ - ლოცვა ხარ -
ამ გულის - მჯვარმცმელი - სული ხარ...
მარადი - სატრფო და სხივმნათე -
სამყაროს - ცხრავე ცის - მეფა ხარ,
სიყვარულს - შერწყმული - სინაზე -
უწმიდეს - ბუნების - ზეცა ხარ...
თანდათან - თანდათან - თანდათან -
უფრო და უფრო და უფრო ხარ,
ფიფქთ-მთოვარ - დედოფლად - გრძნობათა
და სპეტაკ - ქალღმერთად - გულს სწამხარ...
ფრთანაზ სულს - ზეცისკენ - მიგყავარ,
მი ნაზი - მუზა და ერთა ხარ,
მიყვარხარ, მიყვარხარ, მიყვარხარ,
სინაზის - უკვდავი - ღმერთა ხარ...
შენს ნაზ ხატს - გულით თან - ვატარებ
და შენი - ტრფიალით - ვნეტარებ,
უმანკო - თვალებით - მიყურებ:
მაოგნებ - მაოცებ - მანცვიფრებ...
ეგ ნაზი - თვალები - ყველგან მდევს
და შენი - ტუჩები - ცეცხლით მწვავს, 
ოდეს შლი - ანგელი - მფიფქვარ ფრთებს
და ადუმ - იისფერ - კოცნით წამს:
მთელ და სრულ - არსებით - სული თრთის -
მიუწვდომს - წვდომადი - განცდა "მკლავს",
იისფერ - სიყვარულს - წამი ცრის -
გრძნობის ცის - უკვდავი - თოვა მწამს...
და ნეტარ - შენს სულის - მწყალობელ -
უნაზეს - შეხებით - ტკბებიან,
სათუთ და თოვლისფრად - მგალობელ -
თითები - თითებით - თვრებიან...
ფრთაებით - ეხები - ოდეს სულს -
ოდეს თოვ - ფაქიზად - სიყვარულს,
იმ წამში - სუფევდეს - მი გულს სურს -
განვიცდი - სინაზეს - ოდეს სრულს...
მწიეს ცად - მე შენზე - ფიქრებმა
და სულს რომ მოთოვონ - ფიფქებმა:
აენთე - უნაზეს - ფრთაებავ -
მეცეკვე - ფიფქთ ვალსი - ღვთაებავ...
ამ წამს ვარ - თვითერთი - ამური
და გული - სიყვარულს - აბოდებს,
მიწიერს - ვწყდები და თეთრ სულით -
მოგიხმობ - ნაზ თოვლის მადონას...
ვენთები - გალა ვით მთოვარე -
შენთვის ვთოვ - ზამბახურ - ლაჟვარდებს,
ლურჯ ცაზე - ოცნება - ელვარებს -
გულს სურს რომ - მარადის - მიყვარდე...
ვიდრემდის - ფიფქავენ - ფიფქები -
ღმერთი ვარ - იისფრად - სანამ თოვს,
და ქალღმერთს - სპეტაკი - ტუჩების -
მი გული - უნაზეს - ამბორს გთხოვს...
ანგელოსს - სულის ამ - ნაბოდებს -
კრისტალურ - ამ წმიდა - ფიფქების:
ფრთასათუთ - იისფერ - ამბორებს -
ვუგზავნი - თქვენს ნაზ გულს - ნაზო მის...
სულმუდამ - ყოველთვის - მარადის -
ეს გრძნობა - გალობად - ცად დადის,
გულს წვდება - ანგელოზთ - ღაღადი -
სიყვარულს - გაღმერთებს - თავადი...
თვალებში - სინაზის - ზეცა ცრის -
იისფერ - ფიფქების - ქარი ქრის,
და გული - საოცარ - სევდას გრძნობს -
როგორ თოვს - როგორ თოვს - როგორ თოვს...
სულს უცხო - სინაზით - დათრთიან -
ფიფქები - უთქმელი - დარდებით,
თოვს და გულს - სისხლისფრად - ყვავიან -
კრისტალურ - გრძნობათა - ვარდები...
ცა გასცემს - ცა ფიფქავს - ნაზად მთრთოლ -
ამ წმიდა - ამ მარად - სიხარულს,
გული გრძნობს - გული გრძნობს - გული გრძობს -
იმ სპეტაკ - იმ უკვდავ - სიყვარულს...
ათოვს სულს - სათუთის - სახება -
დამდევს თან - ფიფქიას - ხატება,
საოცარ - იისფერ - ფიფქებს თოვს -
ყოველთვის - ყოველგან - ყოველდროს...
ნაზის ხმა - ფიქრებში - ჩამესმის,
ვეძახი - მიყვარხარ - არ ესმის,
გაუგებს - ვინმე გულს - ოდესმე,
სიყვარულს - გავუძლო - როდემდე...
ამურმა - მოვზიდე - ისარი -
ამჯერად - არცერთ გულს - დავაცდენ,
ღმრთაების - უკვდავი - სიზმარი -
მარტოკამ - ვატარო - სანამდე...
მზე სულში - როდემდე - ინათებს -
ამიტანს - პოეტ ღმერთს - სადამდის,
მაოგნებს - ეს გრძნობა - მანცვიფრებს -
სულმუდამ - ყოველთვის - მარადის...
და შენს გულს - უგალობს - მი ფრთები -
ცისა ხარ - ცისა ხარ - ცისა ხარ,
ფრთათეთრი - ოცნება - ფიქრების -
მი ტრფობის - უკვდავი - ნიშა ხარ...
იწვიან - ფიფქები - მწველი მზით -
ჩემთვის კვლავ - წმიდათა - წმიდა ხარ,
ვწუხვარ რომ - ერთი ვარ და ვერგზით -
გამიგებ - ვით ძლიერ - მიყვარხარ...
ყოველი - მითქვია - ცალცალკე -
ვწუხვარ რომ - ვერ წვდები - ამ გრძნობას,
რამდენჯერ - აგინთე - სასანთლე -
როდემდე - მნათეს ვერ - მიცნობა...
სიტყვის მზის - მაგიურ - სხივებით -
უსაბამ - დროიდან - ვიწვოდი,
სიყვარულს - არ ესმის - სიტყვების -
მხოლოდ შენ - ამას თუ - იტყოდი...
თუმც ისევ - ათოვს ცის - მადათოვს -
მუდმივად - მტკიოდე - რთულია,
ამიტომ - მძულხარ და ხანდახან -
ვენები - დავიხსნა - მწყურია...
რა გითხრა - მე ისევ - ისა ვარ -
ვინც გულით - გეტრფოდა - ცათამდის,
ისევე - უკვდავად - მიყვარხარ -
იგივე - სულის ვარ - მარადის...
მე მარად - შენს სულზე - ვმღერივარ
და გყვარობ - ოქროსფერ - ამორძალს,
მი მკვლელი - შენ ნაზი - მერი ხარ
და გეტრფი - მიწიერ - პატარძალს...
ო ვიცი - ჯვარზეც რომ - ავიდე -
შენს ბრმა გულს - ვერც ეს ვერ - მოწვდება,
ის რაც მე - შენს სულში - ვადიდე -
გაიგებ - როს თვალთ ცა - მოგწვდება...
ვიცი რომ - ვერ გესმის - ოცნება -
მი შენგან - განდევნას - აპირებ,
იცოდე - უარმყოფ - როდესაც -
მოვალ და ცხოვრებას - აგირევ...
მინდა რომ - გტკიოდეს - სიშორე
და გულით - ეტრფოდე - ცის ვარდებს,
მე მინდა - სულ გრძნობით - მფიქრობდე
და უკვდავ - სინაზით - გიყვარდე...
ვითარცა - მე გეტრფი - იმავე -
ნაზ ნატვრით - ეგ სული - გეწვოდეს,
მე მინდა - მარადი - სიმაღლე -
მი გულის - დედოფალს - გშვენოდეს...
ხედავდე - ზღვის გულში - დაფარულს -
მინდა რომ - წვდებოდე - სიღრმის სულს,
სიყვარულს - სიყვარულს - სიყვარულს -
ვუსურვებ - მე მაგ ნაზ - მზიურ გულს...
მარადის - ამ გრძნობით - წყეული -
დავდივარ - უკვდავი - დარდებით,
და გულში - სიყვარულს - ჯვარცმული -
სინაზეს - გალობენ - ვარდები...
შენს მარად - მშვენებით - დადაგულ -
სულშიგან - ფრთაები - მღერიან,
და თვალებს - ტრფიალით - დაშანთულს -
რომ აღარ - უყვარდე - ძნელია...
რა არის - თოვაზე - ლამაზი -
რა არის - ფიფქებზე - სპეტაკი,
ყველაზე - წმიდა და ფრთანაზი -
რასაც მე - არსებით - შევნატრი:
სიყვარულს - შერწყმული - სინაზე -
შენა ხარ - მი გულის - მზეთამზე,
ფიფქებზე - თოვაზე - ამ ცაზე -
შენა ხარ - ლამაზი - ყველაზე...
ლურჯ თოვით - სამყაროს - ნათლავენ -
მეც ფუნჯი - გულის ცას - შევახე:
უნაზეს - შენს სახეს - ხატავენ -
სულმმნათე - ფიფქები - ზეცაზე...
ლურჯი ცა - ფიფქავს ლურჯ - სინაზეს -
სული თოვს - იისფერ - ფიფქებსა,
ო როგორ - გიხდება - სითეთრე -
პატარძლად - შემოსილ - პრინცესას...
ოდესმე - მოწვდება - შენს ნაზ გულს -
ეს თრთოლვა - იისფერ - ტაძარის,
შეიცნობ - მწუხარე - მი თეთრ სულს
და გრძნობას - ამ ლამაზ - ზღაპარის...
ნაზ მზერით - ნაზ გრძნობის - სულმნათე -
როდესაც - იღიმი - მაოცებ, 
ინათებს - მთვარე როს - ლურჯ ცაზე -
მოვალ და ტუჩებში - გაკოცებ...
იისფრად - ანთებულ - წრფელ გრძნობით -
უბიწო და წმიდა - ამ ტრფობის:
ესაა - სპეტაკი - ამბორი -
რომელ თოვს - სიყვარულს - ჩვენს შორის...
კვლავ ვხატავ - შენს სულს და სინაზეს
და გტრფობდე - მი გულის - სენია,
მარტო ვარ და მწუხარ - ამ ცაზე -
ვხარხარებ - შეშლილი - გენია...
მარადის - ვინატრებ - ქალწულ თოვლს,
იისფრად - როგორ თოვს - როგორ თოვს,
შევხვდებით - ოდესღაც - სადღაც შორს -
იმ ფრთალურჯ - მწვერვალზე - სამყაროს...