ლედი ივნისელს

თქვენ გრძნობით მგალობ უნაზეს სულის -
ნაზი ნოტები გულს თოვად მინთებს ,
ო სულს მითრთოლებს თქვენი მზის გული ,
მის მე ვეტრფი თქვენს ანგელოსურ ფრთებს ...

ნაზი ოცნება ჩუმად თან გსდევთ და 
ოდეს თვალებით მიჯნურს ეძახით :
გიხდებათ ფრთანაზს ცისფერი სევდა -
სინაზით მყვავი ლურჯი ზამბახის ...

იქნებ ირწმუნოთ თეთრ გაზაფხულის
და სანამ თოვად გაიამინდებს -
მოთოვოთ ჰანგი თეთრ სიყვარულის 
რომელიც ხატავს ფიფქთ პირამიდებს ...

ო მე მანცვიფრებს თქვენი სინაზე
და თქვენს სიყვარულს ვუთვლი ამინებს ,
ბავშვი გულს ვხატავ ფანჯრის მინაზე
და ველი სპეტაკ ფიფქთა აისებს ...

ვთოვ თქვენთვის თოვლის ედელვაისებს 
და სულზე გაბავთ ამბორთ თილისმებს ,
გჩუქნით გულიდან ცისფერ ალერსებს -
ნაზ ამურესა ლედი ივნისელს ...