ზამთრის სარკე

ცის მციაგი მწვერვალებით -
ვხატავ სარკეს თეთრი ზამთრის ,
ვერცხლით მციმციმ კრისტალების -
ფანტელები ციდან ბარდნის ...

ფიფქვა-თოვით - ფანტელთ ქროლვით -
ათრობს თოვლი არემარეს ,
ყოვლის თრთვილით გადაბროლვით -
თოვლი თვალებს აელვარებს ...

ცა ანთია ლურჯი მთვარით
და თოვს მცახცახ აისებით ,
გალობს გლუვი სიელვარით
კრთომა ყინვის საწმისების ...

თოვლს მნათს ჭირხლის ხავერდებით
მთვარის შუქი აიისფრებს ,
მჭვირვალ თეთრი შადრევნებით -
ყინვა ხეებს ათილისმებს ...

მოკამკამე კრისტალების -
მბრწყინ თვალებით ნაალმასებ :
ყინვით ნალეს ვერსალებით -
ელავს არე ვით სასახლე ...

ვალსისფერი თოვა-ქროლვით -
ცით თოვს თოვლი ვერცხლისფერი ,
ფიფქვით ვმღერი სული თოვლის -
სათუთ თრთოლვით შენთვის მერი ...

ქათქათა და თოვლისფერი -
მათოვს შენი სახე მქრთალი ,
მათოვს ფიფქი სევდისფერი
და ოცნებით მე ვარ მთვრალი ...

ქროლვა - თოვა - ჟრუანტელი ,
წმინდა გრძნობა პირველ ყოვლის ,
სულთა ვალსი  და  ფანტელი -
ათოვს თვალებს თრთოლვა თოვლის ...

-

მე და შენ ვართ და ფიფქთ თოვა -
მხოლოდ თოვა თუ მახარებს ,
ვუსმენ ფიფქთ ზარს და ცრემლთ გლოვას -
კვლავ მარტო ვარ და ვხარხარებ ...