სონეტი 81

თეთრ აფროდიტეს შარმით მთოვი ო შენ ხარ ლანდი -
შენს ნაზ არსებას მთრთოლ ათინათთ ბრწყინვა ამშვენებს ,
თეთრ ანგელს თავზე მოგსდგომია მზის შარავანდი -
ო ვტრფობ შენს თმების სხივთ-ელვა-წნულ ცისფერ შადრევნებს ...

სულზე აგისხავს თითქოს ღელვა ზღვის თეთრი ქაფის -
თეთრი ვარსკვლავი სულის მუზა და მნათე მზე ხარ ,
უმწიკვლოება გმოსევს ტურფას თეთრი სადაფის -
ო თეთრ კაბაში მთვარისებრ მნათ პატარძალს გევხარ ...

ო მელანდება შენ თეთრ სახის უცხო ნათება -
ზღვის გულს ვპარავ და ყელზე გაბავ თეთრ მარგალიტებს ,
იაგუნდისებრ ლურჯ თვალების ლოცვად ანთება -
შენ სულს თეთრ ცრემლთა ჩუმად თოვა ანეფერტიტებს ...

-

ამბორს ვუგზავნი ბაგეების აქვამარინებს -
სატრფოვ შენ გულის ნაზ სიყვარულს ვუთვლი ამინებს ...