ანბანი (პატარებისათვის)

გაზაფხულს მოვეფერები,
პირველი წიგნი ჩემია,
პირველი ასო-ბგერები
ეს ჩვენ ვართ, აი ია.

ა
ალუბალი და ატამი,
ალუჩაც ხომ ხილი არის,
ვიწყებ ანბანს, არ მაქვს ტანი,
ვარ ხმოვნების მეფე ა-ნი.

ბ
რგოლზე ვდგევარ თავაწევით
და მივდივარ ზევით-ზევით,
ბეჰემოტი, ბუ და ბალი,
მე გახლავართ ბგერა ბ-ანი.

გ
გემი, გუბე და გარგარი,
საწყისი ხომ ჩემი არის,
განი ბიჭო, აბა, განი,
როგორ გესმით ბგერა გ-ანი?

დ
დეზები მაქვს მოხატული,
ლამაზი და მოქარგული,
დაირა და დიდი დოლი,
მე გახლავარ ბგერა დ-ონი.

ე
ეკას, ემზარს და ეთერის
დასაწყისი ბგერა შვენის,
ხმოვანი ვარ, თან ერთფერი,
ეს ხომ მე ვარ, ბგერა ე-ნი.

ვ
ვარდი, ვაშლი,
ვანოს ვირი,
რით იწყება?
ბგერა ვ-ინით.

ზ
ჯოხზე სხედან როგორც რგოლი,
ბზრიალა და არის ორი ,
გადაბმული ქვევით, ზევით,
მე გახლავარ ბგერა ზ-ენი.

თ
მე ვარ თანხმოვანი ბგერა,
ჩემით იწყებს ბავშვი წერას,
თითი, თათი, თუთა, თავი,
ეს იწყება ბგერა თ-ანით.

ი
ნალის ფორმის ხმოვანი,
თავმომწონე რომ არის,
დედაენას უძღვის წინ,
რა ყოფილა? ბგერა ი-ნ.

კ
კომში, კივი და კაკალი,
მსგავსი ბგერა გვაქვს ნასწავლი,
ვ-ინს წააგავს მისი ტანი,
თანხმოვანი ბგერა კ-ანი.

ლ
მომღერალი არის ბგერა,
ლა, ლა, ლა, ლა მღერის ყველა,
ამამღერებს მეც და სხვას,
ასო-ბგერა არის ლ-ას.

მ
მსხალი, მარწყვი, მანდარინი,
მაწონი და მარგარინი,
მინდორი და მაღლით მთანი,
ყველას იწყებს ბგერა მ-ანი.

ნ
ნანა, ნანი ნანინა,
ია-ვარდოვნანინა,
მას მღერიან ნარნარით,
აქ მეფობს ბგერა ნ-არი.

ო
არ ესროლოთ თოფი,
ეს არის ოფოფი,
და იწყება მგონი,
ასო-ბგერა ო-ნით.

პ
ა-ს ვწერთ, მაგრამ თავზე მას,
მეორე ა-ს დავადგამთ,
ვერ მიცანით, ვინა ვარ?
ეს ხომ მე ვარ, ბგერა პ-არ.

ჟ
ბოჟიკი ჟირაფის შვილია,
ჟოლო კი მჟავე ხილია,
ჟინჟღლავს, ბურუსში ვერა ჩანს,
ხაზს ქვემოთ ვწეროთ  ბგერა ჟ-ანს.

რ
ო-ს წააგავს, მაგრამ თავს,
კიდევ უნდა სულ სხვა რამ,
რკალს დავადგამთ ოდნავ ცერად
და გამოდის რ-აე ბგერა,

ს
სანდრო, სალი, სოზარი,
სამი სახელი არის,
რით იწყება მიცანი?
ეს მე ვარ ბგერა ს-ანი.

ტ
ხაზს ქვემოთ იწერება,
ყელს ოდნავ იღერება,
მრგვალად ვხაზავთ ტანს,
არის ბგერა ტ-ან.

უ
უჩა ხატავს ღრუბელს,
ურემსა და უღელს,
მოჩუხჩუხე რუს,
ხმოვანს ვსწავლობთ უ-ნს.

ფ
თ-ანს როდესაც ვწერთ,
ქვემოთ ვაგრძელებთ,
და აქვს ფეხი მყარი,
ასო-ბგერა ფ-არი.

ქ
ქონგური და ქორაფი,
ქურანი და ქარაფი,
ქარბუქი თუ ქარი.
იწყებს ბგერა ქ-ანი.

ღ
ღამურა ღამით დაფრინავს,
ღორი ღრუტუნებს, არ ფრინავს,
ღიღილო მიაქვს ღვარს,
ლიდერობს ბგერა ღ-ან.

ყ
ყაყაჩო ყვავილია,
ყურძენი კი ხილია,
ყვავს ბახალა ყავს,
აქ ლიდერობს ყ-არ.

შ
მ-ანს წააგავს ფორმით,
ოდნავ დიდი ზომით,
ერთი რკალით წინ,
არის ბგერა შ-ინ.

ჩ
ჩურჩხელა თუ ხილია,
ჩოჩორი ვირის შვილია,
ხმება ჩამიჩიც და ჩირიც,
მეფობს ასო-ბგერა ჩ-ინი.

ც
 ცვარი, ცხვარი, ცისარტყელა,
ცაზე ციმ-ციმ ვარსკვლავთცვენა,
აქ ვლიდერობ, ვერ მიცანი?
ეს ხომ მე ვარ, ბგერა ც-ანი.

ძ
ხ-ანში ურევთ მყისვე,
წერას როცა იწყებთ,
მუცელი აქვს წინ,
ასო-ბგერა ძ-ილ.

წ
როცა სწავლობ შ-ინს,
გხედავ მეტად მშვიდს,
შეაბრუნე წინ
და გამოვა წ-ილ.

ჭ
ჭრიჭინებს ჭრიჭინობელა,
ჭერზეა ჭრელი პეპელა,
ჭერამი ჩრდილავს ჭას,
ჭარბობს ბგერა ჭ-არ.

ხ
ხოხობი ფრინველია,
ხეობაში პირველია,
ხვადი მისდევს ხარს,
მეფობს ბგერა ხ-ან.

ჯ
ჯემალი და ჯინა
ჯოხით უსვამს ჯვარს,
ჯვარს წააგავს სჯერათ,
ასო-ბგერა ჯ-ან.

ჰ 
ჰამაკსა და ჰამლეტს,
რეჰანსა და ჰაერს
ვამბობთ, კარგად გვესმის,
ასო-ბგერა ჰ-აე.
                                   გულნარა ჟღენტი