საახალწლო სცენარი (პატარებისთვის)

საახალწლო სცენარი
მელია
თქვენთანა ვარ იცოდეთ
თქვენი მისტერ მელია,
მსურს საკბილო ვიშოვო,
მაგრამ, ვფიქრობ ძნელია.

საახალწლო მოსაწვევი
ძნელი საშოვნელია
უჩემოდ თუ გაზეიმოთ,
 მოკვდეს ბიჭი მელია

აგერ დათვი მობაჯბაჯებს
ნაძვის ხესთან მიდის
მხიარულობს და ხელში აქვს 
მოსაწვევი დიდი

დათუნია დრუნჩავ,
გთხოვ ჩამჭიდე ხელი
ერთად გავითენოთ
ეს ახალი წელი.
დათვი
უკაცრავად მელაკუდავ,
არ მსურს შენი ცქერა
ცრუს და ორპირს ჩვენს ზეიმზე
ვერ წავიყვან, ვერა.
მელია
მგელო, ჩემო მეგობარო
შენც არა მკრა ხელი,
დამპატიჟე, გამითენე
ეს ახალი წელი.

მგელი
ახლა გავხდი, მეგობარი?
თვალებში რად ვერ მიმზერ?
შენისთანა მოღალატეს
ვერ წავიყვან ზეიმზე.
მელია
ლომო, ჩემო  მეფეო,
გთხოვ, არა მკრა ხელი
წამიყვანე, გავითენოთ
ეს ახალი წელი.
ლომი
ამ ქვეყნად მემორჩილება
დაბლა წყალნი, მაღლით მზე
ცრუს, ორპირს და მოღალატეს
ვერ წავიყვან ზეიმზე.

მელია
შენ ძაღლებში ცნობილი ხარ
ჩემო კარგო მურია
დამპატიჟე ზეიმზე და
არ დამწყვიტო გულია.
ძაღლი
დაგავიწყდა, რომ მომპარე,
წუხელ ღამით ვარია,
შენთვის ყველა ზეიმზე
მსურს დავხურო კარია
მელია
ჩუმათ, მოდის ვიღაცა
მსუქანიც და მაღალიც,
შენ ვინა ხარ ძმობილო?
მამალი
მე გახლავარ მამალი.
მელია
მამლაყინწავ, გავცივდი,
ვერ გამიდგამს ფეხი,
მაშოვნინო იქნება
ერთი თოლხო კვერცხი
მამალი
 დაგავიწყდა, საძაგელო
რომ შესანსლე ვარია,
შენისთანა მსუნაგისთვის
მასრთლა აღარ მცალია.
მელია
ჩემო კარგო ყურცქვიტავ,
შენთვისა მაქვს საკბილო,
წამიყვანე ზეიმზე,
თუ გსურს ტკბილი სტაფილო.

ბაჭია
ნაძვის ხეზე გნებავს მელავ
საახალწლოდ წასვლა?
ქურქი რომ შემომახიე
კარგად მახსოვს ახლაც.

მელია
გავიგე, რომ მთელმა ტყემ
მეფედ დასვა ვეფხვი,
ერთად წავალთ ზეიმზე,
ლომს დაეცეს მეხი.
ვეფხვი
ეს ხომ შენი მოგონილი
ოინია მელავ,
შევისწავლე კარგად შენი
თვალთმაქცობა ყველა.
მელა
შენ ხარ ჩემი გადამრჩენი
დედოფალო ყინულის
გააქვავე ქვეყნად ყველა
უხილავიც, ხილულიც

                 ყინულის დედოფალი
გაუშვიათ ფეირვერკი,
სამეფოში ცხელა,
ბოროტ ძალებს მოვუხმობ, რომ
გაიყინოს ყველა.

ფერიები
ვგრძნობ, რომ ახალი წლის ღამეს
შემოსულა მტერია,
მეგობრებო, გაგაცოცხლებთ,
აქ ვარ თქვენი ფერია!

დედოფალო ყინულის
და ბოროტო მელიავ,
გამეცალეთ, გზა მომეცით,
განა ასე ძნელია?

მეგობრებო ,ყველას მინდა
რომ შეგახოთ ხელია,
გაიღვიძეთ, გავითენოთ
დღეს ახალი წელია.

წამყვანი
დაირცხვინა დედოფალმა
დაირცხვინა მელიამ
აპატიეს, რადგანაც რომ
დღეს ახალი წელია.

ალივლივდა ირგვლივ ყველა
დაბლა წყალი, მაღლით მზე
მელიაც და დედოფალიც
წაიყვანეს ზეიმზე

                                  გულნარა ჟღენტი