ნოტები

გაწვიმდა როცა ვჯღაბნიდი ამ ლექსს 
სველ ფრინველებსაც ვერ იტევს ტოტი 
ისევ ამღერდი სხვისი ლექსებით 
კვლავ არასწორად აიღე ნოტი 

თითქოს შენი ხმით გალობდა ღმერთი
დაღლა შეეტყო გიტარის სიმებს 
და სწორედ ახლა არის ის წამი 
როცა დუმილი ჯობია სიტყვებს


წამით გიტაცებს სხვა მელოდია 
მე რომ გიმღერე მასავით მსგავსი 
გაკრული ხელით მიაწერ ქაღალდს 
დო რე მი-ყვარხარ ფა სო ლა სი