0 19

I wish you made me nervous


შესასვლელის კედელზე მინაწერი,
გაშლილ ხელებში იმედით, 
ვინმესთვის მისაცემით,
დასანთლულ გულ-მკერდზე მიცქერს
დედა ღვთისმშობელი. 

*** 

წავიდნენ, 
გამეცალონ ყოველნი,
შენს გარდა. 

ჩემი ზურგი უტეხელ კედელს დაემსგავსა,
მაინცდამაინც ახლა. 

საუკუნეების მანძილზე 
ვიგრძნობ - მე ტაძარი,
შენს ადრინდელ
ერთ ფუნჯის გასმას. 

*** 

სევდათა ფრესკებით შემოსილი 
სახე-ტაძარი ჩემი,
რომელმაც უთქმელად ათასჯერ გამცა,
შენგან ნაკურთხს არასდროს ჰგავდა.


18 სექტემბერი, 2022წ.
კომენტარები (0)