მწუხრივით წმინდა

...გირეკავ,
გწერ,
გეძახი,
მაგრამ პასუხი სულ არის ჩუმი,
პასუხი სულ არის ისეთი,
როგორც მწუხრი,
მწუხრივით წმინდა, 
                                 უარაფრო, 
                                                   ლურჯი.

***

ვწევარ,
ბებერ სახეს ვმალავ შენს თეთრ, 
საზაფხულო პერანგში
შენ კი დახეულ წინდებს მიკერავ.
ვიღვიძებ
და ყველაფერი მაინც
ერთი პატარა სიზმარია.
მერე ისევ
გეძახი,
გწერ,
გირეკავ...


2 იანვარი, 2024წ.

შეგიძლიათ გააზიაროთ მასალა, თუ მიუთითებთ ავტორს.

0 კომენტარი

@ კონტაქტი