Oubliette

მორჩილის საფლავს
თავზე ადგას
ნორჩი ტირიფი,
ათასი, თხელი, უმწეო კიკინით
დგას, ტირის, 
იღვრება,
წვიმის ჯიბრით,
დგას,
იღვრება,
იბღვირება,
ნათხოვარი მიმიკით.
...იღვრება, მორიგი ვერლიბრივით.
დგას, იღვრება,
იხრება,
ტყდება წელში.

***

ტაძრის ერთადერთ სარკმელთან,
როგორც ღვთისმშობლის ფრესკასთან,
მორჩილი იდგა, სანთლით ხელში...

ახლა მის საფლავს
თავზე ადგას,
დასტირის,
ნორჩი ტირიფი,
იღვრება... იხრება...
ტყდება წელში.


6 მარტი, 2024წ.