ღრიჭოდან მხედავ?

მივდივარ და მეტირება წვიმა.
მოცისფროდ ღუშავს სახეს,
ცრემლებს იწმინდავს...
ხუჭავს მომწვანო თვალებს,
მერე ისრისავს...
...რა ვქნა,
მეც მიყვარს...

***

"მიწავ,
მიწავ,
გაძლევ სიტყვას,
მე აქ მოვალ... და შენ მჭამე...
ფესვების შუაში
დამმალე...
ძვლებიც გააქრე,
ზამთარში მგლოვიარე ხეებივით
გამახმე..."
- თავზე დავცქერი, ვუმღერი ციცქნა,
გაუთხოვარ იას.
მივდივარ, მეტირება წვიმა,
მანჭავს მოცისფროდ,
ისედაც მოცისფრო სახეს...


14 მარტი, 2024წ.
0 კომენტარი

@ კონტაქტი