beauty of defeat


შენ მიმზერდი
შენი 
სახლის 
ფანჯრიდან - მოშლილი ღიმილით,
და მყინვარწვერის მიმიკით...
მნათლავდი სულის სიცივით,
თუმცა,
ვერ ავივსე ზიზღით
და ვეღარც დაგივიწყე...
...არ მჩვევია ზიზღი...
...
შენს კართან
ვიმოსებოდი წვიმით,
სათქმელს ვმარცვლავდი...
მაგრამ,
          მაინც
                  დავმარცხდი...
როგორც იესო, ხალხში,
ისე დავმდაბლდი.


18 აპრილი, 2024წ.
2 კომენტარი
მარია ფიფინაშვილიარტისტი კატა1 თვის წინ

ამ ბოლო დროს რითმებს ვამჩნევ შენს ნაწერში და მომწონს :))

luggage boyვერლიბრი1 თვის წინ

ჩემი მიზანია ვერლიბრიზმის გავრცელება

© POETRY.GE 2013 - 2024

@ კონტაქტი