Doha

ცაზე ჩანს ჩემი ეგო...
ცაზე მურია...
მე, სამჯერ უარყოფა მერგო...
ჯერ, შენი მარჯვენა თვალით,
მერე, შენი მარცხენა თვალით,
ბოლოს... 
წინადადება-მიკერილი,
შენივე სახით.
მე ავუყევი აღმართს,
ხელში მხსნელის ხატით
და ორი მომტვრეული მკლავით.
შენ
     სიტყვად
                   გწამდი...
ან,
როგორც 
მკვდარი - მიწას,
ისე მიხუტებდი, ისე მჭამდი.
ცაზე ჩანს ეგო...
ცაზე მურია...
გული ჩემი - კვამლის ანაფორით
შემოსილი საცეცხლურია...
საკმველის მაგივრად,
მასშიც 
მურია...
მე მაინც
უშენოდ 
სიკვდილი
მერგო...


18 სექტემბერი, 2024წ.

el poet