ჯაშე ფურცელ

ვართ გინმალ წყარ ვართ წყურგილე
ხანგაცალო უმენ მაფუ,
მუშ მაქექა ფურცელ შურს
გურ ოშ კილო მონკა აფუ ,
მუ ქექე რე ჯვარ კისერს
გურსრე ქიანაშ მონკა აფუნ,
უღორონთე ქიანას
ღორონთ ოგორალ გაფუნ,
ხანგეფ ხანგას გიძახნა დო-
ამხანაგეფ მტერცალ გაფუნ,
მუ ქექე რე ჯვარ კისერს
გურსრე ქიანაშ მონკა აფუნ,
უმენულს წყარ ქოფჩი
ფუჩხა მიღუდ შკას ქოუტახ
დირძღუნ თიწკმე ალალ აფუ
ქუდუანთხ დო ქიგმოსხაპუ,
ქიმიჩხურუ ამინდებქ
ჯას ფურცელეფ მიკინგარს
სკვამას ობნა ჩილამურს
ონირზუნა ჭვიმა ქარს,
დუდს გიმოთუნს გურიშ ჭუა
შურ გენკირილ დღალეფ,
ვენგმართინ შხვა ინგირქ
მიჯიკუანს ქარეფ
ცას მურიცხეფქ გეიწუოლუ
სიზმარცალო სკვამეფქ,
ვამასკიდუ წყურგილეშფერს
მარწკინია წანეფქ,
ჯაშე ფურცელ ქეითოლაფე
ქარ ბორიაშ ოღალარ
ზოთონჯქ ქიგიფართხალუ
შხვაშო გინოდვალირ დუდი,
გურიშ კიდას ქუგოიტიბე
შურს იშენით ალათუნდი.