ჩელაია თირცალ

თუთარჩელა სერი
მოგოთანეშ ფერი,
სკან ნაჩამნა გურქ
ცას მურიცხეფ თვალუ,
ჟირ ბჟაშ დუდამ მაჭირხოლქ
შკა უჩა ზღვა დარჩიალუ,
ჩელაია თირცალი
ხანგა თუთა ჟირცალი,
ტანს ზღვაცალო ქუმარაგუ
გურქ ქუდააჭყუ ბათქალი,
ბჟაშფერ დუდამ მაჭირხოლს
სკვამას ქუდულააფე,
ქუდუჭყაფე ცანცალი.
არიფ გურქ ქენკააბუ
შხვაშ ოსურიშ ლააფის,
დუდ გოთანაქ დამრჩიალუ
წყურგილეშ ფერ მუშა ღირუ
ვენგმართინუ შხვა ინგირქ
შურქ ოშურეს ქალმანკირუ,
ჩილ სკუა კერძ მოჯგირე
ბაღი ოდა ჯარგვალი
გურ ოშ-კილო,მტერ ამხანაგი
ღორონთ ორე ცას მართალი,
შხვაშ ოსურშა თოლქ მენტუ დო-
ტყვიათ ვორექ გარხვალი.