პირველი პასუხი

გაზაფხულდა, დაიწყო ციებ-ცხელება,
კულინარსაც პოეზია მოსძალვია, 
თან წესით მარტში ლექსიც იებს ეხება,
თუმცა სიცხე გზას უხსნის სისხლსო, ძარღვიანს. 

და წუთისოფლის სევდამ როდის მოგიცვა?
ხანდახან სჯობს, დაუჯერო ბერძენ პლატონს,
გაიმარჯვო თავთან, დედამ რომ მოგიძღვნა,
ხშირად დაფიქრდი,რომ დააწვები პლატოს. 

საამურ სიოს ნუ ენდობი ყოველთვის
და საშიშია უკიდეგანო სივრცეც,
ზოგჯერ იხილავ გზებსაც ვარდით მოფენილს,
ზოგჯერ ღმერთებმა ყოველნი უფსკრულს მისცეს.