ირინა თოფურია - ფოტო

ირინა თოფურია

მხატვარი რომელიც წერს

0 104

ზაფხულის ბოლო დღის ლექსი


როგორც ამ ზაფხულის ბოლო ამოსუნთქვას, 
ვეღარ შევაჩერებ და არც შეჩერდება, 
რადგან გამიბრაზდა, რადგან განაწყენდა, 
ფუჭად შემოხარჯულ ზაფხულს მედავება.
ჩემი სურვილები ისე შემომადნა, 
ისე გამიქარწყლდა ყველა მოლოდინი, 
მე რას მემართლება, ჩემგან რას მოითხოვს, 
სადაც არ მელიან, იქ რას მივიდოდი. 
საათები დარჩა და ზაფხული წავა, 
ნაბახუსევივით ხვალ რომ გათენდება, 
ოქროსფერ ფოთლებში იქნებ დამიტოვა, 
ვალად დარჩენილი, ის რაც მემალება. 
ვეღარ შევაჩერებ...არც ღირს შეჩერება, 
რადგან შემოდგომა უკვე კართან დგება.

31.08.2020
კომენტარები (0)