რომ შემეძლოს

რომ შემეძლოს, დღეებს კი არა, წუთებს წავშლიდი ჩემი მეხსიერებიდან.
 სწორედ ის წუთებია, რომლებიც საათებს და მერე დღეებს ქმნიან...
 სწორედ ის ერთი წუთია, რომელიც ცვლის მთელ დღეს...და შემდეგ ინახავს თარიღს მეხსიერების კალენდარში. 

წუთები... როცა არ შეგამჩნიეს ან არ შეგიმჩნიეს!!! 
წუთები...როცა მონატრებით მიხვედი...დაგროვილი ემოციებით სავსე და უკან გამოგატანეს!!! 
წუთები...როცა სათქმელი გქონდა და არ მოგისმინეს!!! 
და ეს ყველაფერი ძნელად წასაშლელი და რთულად დასავიწყებელია, რადგან ის ადამიანები, ვინც ამას სჩადიან, არ გვემეტება წასაშლელად და დასავიწყებლად! 

ამიტომ დიდი სიამოვნებით წავშლიდი მე ამ წუთებს...წუთებს ტკივილის და წუთებს იმედგაცრუების...

ირინა თოფურია ✍
2020