თუ...

თუ შენს ფეხებთან ფოთოლი გაჩნდა, 
გთხოვ, არ გათელო - გულია ჩემი.

თუ შენს მხრებზე ფანტელმა ითოვა, 
გთხოვ, არ დაბერტყო - ფიქრია ჩემი.

თუ შენს გარშემო ქარი იქროლებს, 
გთხოვ, არ გაუწყრე - ლანდია ჩემი.

თუ შენს თვალებში წვიმად იწვიმებს, 
არ შეიმშრალო - ცრემლია ჩემი.

თუ შენს ბაგეზე სიტკბოს შეიგრძნობ, 
არ მოიშორო - კოცნაა ჩემი. 

და... თუ შენს ირგვლივ იფრენს თოლია, 
მოიხიბლები... აედევნები...
აგიფრინდება - ცამდე შორია? 
ეს მონატრება იქნება ჩემი. 
2007