ისევ დაღამდა უშენოდ

ისევ დაღამდა უშენოდ,
ისევ დაეშვა ფარდები, 
იმ ოცნებებზე, ფიქრებზე-
"რომ მე შენ შეგიყვარდები."
ნეტავ იცოდე, რამდენჯერ
მინდოდა მეთქვა: მჭირდები!
მსურდა მეყვირა ხმამაღლა:
 -მე დიდ სიყვარულს გპირდები!!!
მაგრამ არვიცი რას ფიქრობ, 
გულში და სულში რა ხდება, 
სიმშვიდეს აღარ დაგიფრთხობ, 
არც არაფერი მოხდება.
ასე ვიქნებით ჩვენ ჩუმად, 
ერთმანეთს გავერიდებით, 
და ამ ცხოვრებას ნელ-ნელა
ცალ-ცალკე ჩავეჭიდებით.
......და მაინც როცა თენდება, 
ისევ იმედი იღვიძებს, 
როცა ახალი დღე დგება, 
კვლავ ოცნებისკენ მიბიძგებს.
თუმცა დაღამდა უშენოდ......

2018