წამიყვანე სადმე

წამიყვანე სადმე,
საქართველოს მთებში,
მხოლოდ ჩვენ რომ ვიყოთ,
და არავინ მეტი.
წამიყვანე სადმე,
მომარიდე ზამთარს, 
მომიყევი რამე,
მეც გიამბობ ზღაპარს.
წამიყვანე სადმე, 
სადაც თოვს და ბარდნის,
ჩამიკარი გულში,
გამიქარვე დარდი.
წამიყვანე სადმე,
შემოვუსხდეთ ბუხარს,
გავათენოთ ღამე, 
საუბრებში...თუნდაც.
წამიყვანე სადმე,
მე აქ უკვე ვერ ვძლებ,
შენ ჩემთვის იმღერე,
მე დაგიწერ ლექსებს.
წამიყვანე სადმე,
ჩვენი ქვეყნის მთებში, 
რომ ვხატავდე მე ცას, 
არარსებულ ფერში.
წამიყვანე სადმე,
და მიწოდე "ჩემო"...
ჩემო ბედისწერავ,
ჩემო ყველაფერო.
წამიყვანე სადმე, 
სადმე სადაც გინდა,
ოღონდ მერქვას შენი,
მე სხვა რაღად მინდა.
........................................
დავიკარგოთ, წამო,
გადავრიოთ ყველა, 
დაგვიწყებენ ძებნას,
გვიპოვიან ერთად....
წამიყვანე სადმე........
2018