დღეს თოვლისფერი უფრო მუქია

დღეს თოვლისფერი უფრო მუქია, -
ფანჯრიდან ზამთრის ამინდებს ვითვლი.
მოწყენილობაც ბანალურია,
ბლანტი კვამლივით ოთახში ფიქრიც.
აყრილ ასფალტს აქ თოვლის სისველე
აურევია ჩემს გულს სისხლივით,
ვენებში თითქოს ტალახი სჩქეფდეს
პულსის სიჩქარით და არითმიით.
მეზობლის ბავშვი თოვლიან სილას
თვალებში მაყრის და შიშით ყვირის, 
დღეს თოვლის მოსვლაც ჩემი ბრალია
და ულმობელი სიცივეც მშვიდი ...