* * * (დაღალულ გულმკერდზე...)

„ ... მაგრამ ამაში რა ხეირია?
ბედნიერება აქ არ იწყება... „
                                        / ა. ბლოკი /


დაღალულ გულმკერდზე ბრწყინავს კელაპტარი,
ანათებს აპრილი სხეულის ბნელ ყურეს,
რკინისფერ ძარღვებში სიცოცხლეჩამკვდარი
ერთ ციცქნა სიყვარულს, როგორც მხსნელს, უყურებს.

ჯერ ისევ თბილია გული ჟანგჩამდგარი,
ამორძალ თვალებით სიცოცხლეს უბრუნებ,
ნაზია ზღაპარი - ღიმილში ჩამდნარი,
სისხლიან ვენებში შფოთავ და გუგუნებ.