ზღვა

სხვა სიჩუმე იდგა ზღვაზე,
ქალი ნაზად ტიროდა...
გოგმანობდა სულ სხვა ხმაზე
ზვირთი სანაპიროდან.

და ითრევდა წვეთი წვეთებს,
ხმები ხმებს და ქარი ქარს.
მახსენდები, ვერ გიმეტებ,
ვერ გივიწყებ - არიქა!

ეს რა ხდება! ზვირთმა ზვირთებს
გაუწოდეს ხელი და
დაამშვენეს ქალის ხმები
ზღვების სხვა სიმღერითა...

სხვა სიჩუმე იდგა ზღვაზე
ქალის ნაზი გოდებით...
ახლაც იქ ვარ... შორიახლოს
ვზივარ და გელოდები...