მენატრება

მენატრება:
ბავშვური ოცნება; მდინარის პირას გატარებული ლამაზი წუთები; სუნთქვით შეგრძნება ბუნების სიმშვიდის და წყლის ჩხრიალს აყოლილი გულის რითმული ძგერა.
მენატრება:
ხალასი სიცილი; უბოროტო,დამთმობი გული; მთის ნისლში გარეული ფიქრები; მზის სხივს გაყოლილი ოცნება; ჭის სიღრმისთვის ნაჩუქარი სიტყვები; ბუნების ექო.
მენატრება:
ხის კენწეროში ქარის ტალღებთან თამაში; გიჟმაჟური აყოლა მისი ძახლის და მისთვისვე გატნეული გულის სიმძიმილი. შემოდგომის ფოთლებით დაქარგული ხალიჩის გათელვა, მკვდარი სიცოცხლის ჩუმად გამხელილი საიდუმლო; მიწის სინოტივით შეცნობილი სიცოცხლის არსი და მწყურვალი სულის წყაროს ანკარა წყლით დაურვება.
მენატრება:
ქვებისგან შემდგარი მარადისობით ნასწავლი მომავლის ხედვა, მათი მეტყველი მდუმარებით ნასწავლი სიდინჯე. ფანტელის მოტანილი ზეცის ნაგლეჯით განცდილი სიხარული, თამაში ფიფქებთან. თოვლის საბნით გამთბარი გული, სიახლისა და სიხალასის განცდა.