Les Feuilles Bleues 🍂💙

ღამე დილას წერს,
ამაღამ ამბავს
ეს შემოდგომა დაწერს ფოთლებით.

ლურჯი ფოთლები იწყებენ ფრენას,
გადასერავენ ზეცას განცდებით,
საუცხოოა ფოთოლთა ქროლვა
მთრთოლვარე ბედით დანალანდები.

ამაღამ ამბავს წერს ფოთოლცვენა,
გაშიშვლებულა ხე, ვით ზამთარი,
მე წრაფი სვლებით მივაპობ აღმართს,
ჰორიზონტს გასცდა თეთრი ზამბახი.

სიცოცხლე ჩემი, ვით ფოთოლცვენა,
ვით პოეზია სულის მბოჭველი,
იყო ზამთარი ამ შემოდგომას,
კვლავ სინანულით ამბის მთხრობელი.

იყო სიკვდილი და იყო გლოვა,
რეკდნენ ზარები ავდრის მაცნენი,
იყო ხანმოკლე ეს შემოდგომა,
ზამთრის ქარებით განაწამები.

ქრებოდა ნელა ეს ფოთოლცვენა,
და მაინც რაღაც იდუმალ ძალით
მე ვაცოცხლებდი ბნელ შემოდგომას
და ვრთავდი ხეებს მაგიურ ძალით.

მე ვწერდი ღამეს,
ღამე კი დილის 
იყო უსიტყვოდ ამბის მთხრობელი.
ამაღამ ამბავს წერს შემოდგომა,
შეუცნობელი არსით, 
Poesie.