გარდაქმნათა პერიოდი

გათოშილ კითხვებს დიდი ხანია
ციცქნა პასუხი დააწანწალებს.
მითხარი ერთი, ის ერთგულია,
ვინც თავის გრძნობებს შენთვის აწამებს?!!

სიცოცხლეს გული დაასამარებს.
მხოლოდ ჩემია ეს ტრაგედია.
შევეხიზნები გალუმპულ ქარებს.
ბევრი ფიქრისგან გზა ამერია.

ნავალევ წამებს ვერ ჩავასესხებ.
ჩაბარდით წარსულს ჭაღარა წლებო.
ჯოჯოხეთის კარს როცა შევაღებ,
არ შემიბრალოთ ანგელოზებო!!!!