დაური

მეკითხებიან მთიულნი,
ვინა ხარ,თქვი,სადაური ?
_ერთი ქართველი ბიჭი ვარ,
აფხაზეთიდან_ დაური !
როგორც მეგრელი,ან სვანი,
აჭარელი,ან რაჭველი,
მეც ასეთივე აფხაზი,
მეც ასეთივე ქართველი.
პატარა საქართველოდან,
დიდ საქართველოს მნახველი,
"მე აფხაზი ვარ",_რომ ვამბობ,
რად მეხუტება გამვლელი?!
ამიტომ ვფიცავ ჯიშ-ჯილაგს,
ყველაზე წმინდას_ დედაჩემს,
ქართველი ვრჩები ქართველად,
და ასე ვცდილობ გადავრჩე.
ვთქვათ და გამიწყრა გამჩენი,
იმ ქვეყნად დამხვდა ხმაური.
იქაც ვიტყვი,რომ ბიჭი ვარ,
საქართველოდან _ დაური.
გიორგი ლეკვეიშვილი