შემოქმედს

სამყაროს გვირგვინს დავუდგეთ ფეხზე,
სხვა რამ დიდება -  მასთან მტვერია!
იესო, ფეხქვეშ გაგიფენ ლექსებს,
უშენოდ არც რა დამიწერია!
      ყოველი წუთი, ყოველი წამი,
შეღამება თუ ცისკრის გალობა,
გულის სიმღერა, თვალთა ცვარ- ნამი,
ესაა მხოლოდ შენი წყალობა!
განცდათა ზღვაში ბევრჯერ ვიწვალე,
ბევრჯერ ამებნა გზა სალოცავის,
ათჯერ შეცდომილს ასჯერ მიწყალე,
ასიათასჯერ შენ დამიცავი!
აჰა, ღელვათა მიქცევ-მოქცევა
 წუხილის ლოდებს სადღაც მირიყავს,
ამაოების ქრება გოდება,
იესო, როცა გულში მიზიხარ!