სისხლისფერი ტიტები

შენ არ მომიტან სისხლისფერ ტიტებს
სანამ მე აღარ გარდავიცვლები,
ვეღარ ავიხდენ გულს ნანატრ ფიქრებს
სანამ იმ ქვეყნად ჩვენ არ წარვსდგებით.

ტიტების ბაღში მხოლოდ ჩვენ ორნი
გვირგვინი თავზე და ჩითის კაბა.
შორს სილუეტი მოჩანს თან მგონი, 
ვგრძნობ,რომ სიკვდილი ისწორებს კაბას.

მოგვიახლოვდა ქალი სიკვდილი, 
იყო ლამაზი ვით უკვდავება, 
ჩაგკიდა ხელი,შენ მას გაყევი და 
მე კი დავრჩი ვით მონატრება .

რამდენი გთხოვე, როგორ გეხვეწე,
შენ როდი გესმის ჩემი გოდება,
 სისხლისფერ ტიტებს თან გავაყოლე
 შენზე ფიქრები და მოგონება.

ქალი სიკვდილი,ტიტების ბაღი, 
მე კი  სიცოცხლე და მონატრება
,ნეტავი ვგრძნობდე მე შენ ბნელ ფიქრებს 
შენ კაცი ხარ თუ კაცთ მოლანდება.