დაგელოდები

დაგელოდები-ლოდად ვიქცევი, ანუ ამჯერად
-სიტყვას არ დავძრავ.
კვლავ დავიბრალებ სამყაროს სევდას
და ჩემს ბოლო ჟამს სიზმარში ვნახავ.

მიჩრდილავს ღამე ფურცელს და კალამს,
მივეშურები ხიდებს და ჩუმ ზღვებს…
აღარ ვპასუხობ შემოსულ ზარებს,
უსისხლო ჯვარცმას კვლავ ცხადში ვუძლებ.

დრო აღარ იცდის, ვეღარც ვეწევი,
ვეღარ ვხსნი როგორ არ ვიყო ცუდად…
შენ კი სიყვარულს ვეღარ მპირდები
და ეგ კი არა, ცოტათიც გძულვარ.