ავტოპორტრეტი


თუ მომკლავ, დროით მომკალი,
ეგრე ვერ დამლევ წამობით, -
პოეტი ვარ და სამყარო
ჩემში გადის და გამოდის.

ხან კლდის თავს ვიწექ ჯანღივით,
ხან მზვრისპირს იად ვხარობდი,
სისხლად ნანჩქრევი ლექსებით
სიკვდილთან ჯიბრსა ვლამობდი.

ღვთისმშობლის კალთას ნამთხვევი
სხვის უბე-კალთას ვხამობდი...
მომსურდა - ცისკრად გავთენდი, 
მომსურდა - მოვსაღამოვდი.

წყარო: www.aura.ge

შეგიძლიათ გააზიაროთ მასალა, თუ მიუთითებთ ავტორს.

0 კომენტარი

© POETRY.GE 2013 - 2025

Facebook Telegram კონტაქტი