პანდემია

შემოუტიეს ქალაქს ქარებმა,
ცაში ფრანების იწყო ზეიმი,
სადღაც კივილი მორთეს ზარებმა,
სადღაც სიცოცხლეს კარგავს ლეილი.

მძიმედ სუნთქავენ დღეს აივნები
და თავბრუსხვევა ეწყოთ კორპუსებს, 
სადღაც ხარობენ კვლავ ხეივნები,
სადღაც სიმშვიდე კვლავ დაფუსფუსებს. 

გარშემო სევდის ქუხს პანდემია,
პირბადეების იწყო კრიზისი.
სადღაც შორს, ვიცი, რომ ედემია,
სადღაც იმედებს აქვთ გენეზისი.

შემოუტიეს ქალაქს ქარებმა,
ცაში ფრანების იწყო ზეიმი,
სადღაც კივილი მორთეს ზარებმა,
სადღაც სიცოცხლეს კარგავს ლეილი.