*** (როგორ ხმაურობს)

როგორ ხმაურობს სიყრუე მშვიდად
და როგორ ყვირის ჩემი დუმილი...
გუშინ ბარაბა მოვხსენი ჯვრიდან,
არ შევიბრალე სხვა დავრდომილი.
მას მერე ვეძებ ქრისტეს მიწაზე,
ცას ვჭმუჭნი მუჭში ღრუბლების ხილვით;
მიწიდან ცამდე, ესეც ვისწავლე,
გადებულია სიკეთის ხიდი.
გადაღმა მოსჩანს ქრისტეს პერანგი...
ვუხმობ, რომ ვკითხო რამე ჩემს ჯვარზეც,
სიყრუე რატომ ფშვინავს ვერაგი
და რატომ ყვირის დუმილი ასე?!.