ჰაიკუები (2)

დუმს ტელეფონი...
კარი ჩარაზულა...
დამაღამდა მარტოობის ალერსში
ჩემი ერთადერთი ამფსონის - 
შაშვის გაუთავებელ
გალობაში...
კვლავ სიჩუმეა...
არადა მარტის ველური მზეა
არადა ჩემი დაბადების  დღეა....


****

და აი, საუკეთესო მეგობრებს
როგორც გათხოვილ ქვრივს 
ყოფილი ქმარი,
დაავიწყდათ მგონი მეორედ,
რომ დღეს დავიბადე...
ალბათ მაგიტომ მე დღეს
ბოროტმა და 
გულნატკენმა
ფიქრებმა გამიტაცეს...


****

ეჰ, რა იქნება 
მჭირდეს რამე დაავადება
შენი თვალების
და მეხსიერების
სულ გადაკარგვის ... 

****

ვინ უწყის, რამდენი ლიტრი ცრემლისშემწოვია
ეს დაწყევლილი
თეთრი ბალიში ?! 

***

ჩემს დაბადების დღეზე, 
სიმარტოვის ორომტრიალში
მწუხარ ქაოსში უცებ შორიდან
მოულოდნელად გაწკარუნდა
წყეული ტელეფონი - 
შეტყობინება მივიღე მაქთიკომისგან ...

****

რატომ გგონია ძველმა იარამ
ასე უბრალოდ გადაიარა?
რატომ გგონია იმ სიყვარულმა
ასე უბრალოდ გადამიარა ?!..