ეჰ, ასმათო

ეჰ ასმათო, თიხის ქალო,
მთვარის თეთრად მომღიმარო,
ბინდს მბრწყინავო, ცად ამყვანო,
მწადის კნეინად მოგიყვანო,
მომხიბლავო, თვალწარმტაცო,
მწადის ახლავ მოგიტაცო,
და გავფრინდეთ სხვისქვეყნეთში
ცისარტყელის შუქს გავასწროთ.
ეჰ ასმათო, მიკვირს, რატომ
არა გვიწერს შევიყაროთ,
რადა აწყობს ბედს მეურჩოს
და რას მივცემ რომ ვიწვალო?
ეჰ ასმათო, თიხის ქალო,
ჩაძირულო იალქანო,
მოვა დრო და კვლავ შევხვდებით
ჯერ თვრამეტის არ გამხდარო!