ჩემს სულს შემოდგომა ჰქვია

ჩემს სულს შემოდგომა ჰქვია,
ხორცი ზამთარივით ეკვრის,
გვერდით გაზაფხულად მიწევს -
ქალად გარდაქმნილი ნეკნი .
თითქოს, მეწერება რაღაც ,
სული მელანივით ვღვაროთ,
კალამს და ბულბულის ყელსაც 
ისევ ერთნაირად ვხმარობ. ,
რაც კი ,ანგელოზი ავობს ,
ფიქრის უდაბნოში ვდევნი ,
კანში ჩამიგორდა ეს მზე 
როგორც უცოდველი ცრემლი .
ჩემს სულს შემოდგომა ჰქვია,
ხორცი ზამთარივით ეკვრის,
გვერდით გაზაფხულად მიწევს -
ქალად გარდაქმნილი ნეკნი .