ისე უბრალოდ

ისე,უბრალოდ გამახსენდით, ისე, რატომღაც ,
შემოდგომა რომ ხმელ ფოთოლზე წერდა ავტოგრაფს ...
მე თქვენში მახსოვს სიყვარული, ველური გზნება ,
მოხვედით, მახსოვს, ქოლგასავით გაშალეთ ვნება 
და თქვენი კოცნის მორევიდან თავს ვერ ვაღწევდი ,
არ მომხვედრია მე ეროსის ტყორცნა არცერთი,
მხოლოდ თქვენ გენდეთ, მეტაფორებს კაბად გაცმევდით .
რა სულელი ვარ, მე ხომ ვიცი რატომ დამშორდით ,
ჩემით გაერთეთ როგორც ბავშვი  სათამაშოთი .
ასე ვფიქრობდი მთელი ღამე იცით წუხელის ,
სხვამ დაიდგას-თქო, მისი ყალბი გრძნობის უღელი .
მე მართალს გეტყვით და თუ გინდათ მერე იცინეთ ;
სწორი ხართ, რადგან ლექსის ლოთი ჩამოიცილეთ .
არ მომენატრეთ! ამ ლექსს გიწერთ ისე, უბრალოდ .
ეჰ, თქვენ ვერ შეძლებთ, ჩემს გულს კიდევ რამე უბრძანოთ .
ისე უბრალოდ გამახსენდით, ისე, რატომღაც , 
შემოდგომა რომ ხმელ ფოთოლზე წერდა ავტოგრაფს ...