ძილია

შეშლილია ღამის ნატვრა
დათვრა მთელი ცა ლილია.
დაცლილია შუქით აბრა
და რვა ტყვია დახლილია.
აპრილია მსუბუქ-ქარგვა
კარგვა ჩემი ნაწილია.
ადვილია სხვისი გაგვა.
ნაგვად რჩენა ადვილია.
მარტვილია სახე აღმა.
დაღმა სახე ნატვრილია.
ნამტირლია სუნთქვა წაღმა
და ღრმა წვიმა მარტილია.
წერტილია მიწის საზღვრა.
დაღვრა სულის შრეტილია.
ჯრედილია-კაბის აკვრა.
აკვრა ხელის- წვრეტილია.
რეტილია თავბრუ გაკვრა.
ჩაკვრა გულში ბნედილია.
იდილია იყო დაღლა.
წაშლა დაღლის ჩივილია!
კივილია შენი ჩაშლა.
გაშლა შენი ყვავილია.
სიცილია ტყვიით დაშრა.
უმთავრესი დღეს ძილია!