პოეზიას ვერ ცდი!

პოეზიას ვერ ცდი! პოეზია ხდება!
სადღაც აიზბერგი მზისგან რომ აორთქლდეს!
არის ევერესტი ის რაც მემართება-
პოეზიას ვერ ცდი, იგი უნდა მოხდეს!

პოეტურ ფრთებს ვერ შლი! იგი უკვე დნება!
შენში უკვე მოხდა, შენ კი მეძებ- შეგშლი!
მოვალ მკვდარი ბიჭის სხვა გამოცხადება-
იმეტყველებ ჩემზე და დავრჩები შენში!

ქარი არის გვერდი, ხმაა მოლანდება!
როგორ მოვარდება ქარიშხალი-ვწერდი!
რომ ჯუზეპე ვერდი მელან-ქოლანდება
17 წლის მე და შენ-გამო დავბერდი!