0

მე შენ მიყვარხარ


მე შენ მიყვარხარ და მე მიყვარს მთელი სამყარო,
მიყვარს მთა, მდელო, ცად ვარსკვლავი ზღვად კი თევზები, 
მიყვარს სიცოცხლე, მიყვარს ქალი და მიყვარს კაცი,
მიყვარს და ვგრძნობ რომ არასოდეს არ დავბერდები.

მიყვარს რიჟრაჟი, განთიადი, მიყვარს დაისი,
მიყვარს როდესაც გაზაფხული ყლორტებს დაბერავს,
და მიყვარს ისიც ზეცის თაღს რომ ფარავს ღრუბელი, 
თავგამეტებით იწვიმებს და მინდორს წალეკავს.

დიახ მე მიყვარს როცა ზეცა გაიფიცება,
მზე გაახუნებს დედამიწის მწვანე საფარველს,
და შემოდგომის ფოთლები რომ აშრიალდება
მიყვარს როდესაც მზე მშვიდად და წყანარდ
ანათებს.

ჰო, ისიც მიყვარს ბუნება რომ განაწყენდება,
ქარის გრუხუნით და სიცივით მოვა ზამთარი,
ეს სიყვარული ჩემს არსებას მოეფინება,
და ისევ მწვანით იმოსება ქვეყნად მთა-ბარი.

ასე მშვენდება სიყვარულით, არსი ყოველი,
რადგან ღმერთია სიყვარულის სვეტიცხოველი.
კომენტარები (0)