როცა ცივა და შენზე ფიქრები მათბობენ
შავი საღამო განაჩენად, გარეთ თოვს - ყინვები დადიან; ერთადერთია ჩემი სახლი ბუხრიდან კვამლი რომ ამოსდის. ისევ ისეა დანარჩენი, ალბათ ყოველთვის ვიდარდებ... ქედს მე არავის ვუხრი და მგონი ეს კარგად გამომდის. სითბოს ვეძებდი ქალბატონო - თეთრი ყინვების ბატონი. ბევრი რამ იყო საპატრონო - მაგრამ არ ყავდათ პატრონი. ხელის კანკალით, ფორიაქით - ოფლი მდიოდა სხეულზე, სხვა გზით მიმყავდა სიმარტოვე გადაკარგული, ეული. საგზლად მიმქონდა ერთი დოქი და მივიოდი თეთნულდზე, მე ჩემი წილი უკვდავება დამაქვს - სიკვდილად ქცეული. ერთი ნაყოფი ხეზე - ერთი ვაშლი ება ხეს. დიდძალი ცოდვები ხელზე ლოდი აწვებოდა ხელს. ერთი შეხება მიშველიდა - ერთხელ შევეჯახე ღრუბლებს, ისე იქუხა, იჭექა ისე, რომ მხოლოდ ღმერთი ხედავდა ამას. ერთხელ მეკოცნა კარგო შუბლზე - ხომ შეწყდებოდა შუღლი; მაგრამ დავდივარ მარტოდ მარტო და უკვდავება დამაქვს. რა მაქვს მე სხვებზე მეტი? რას ვიღებ სხვებზე მეტს? ისე შემიყვარდა ჩიტები რომ მეც შევუყვარდი ჩიტებს. ჩემი სხეულის ბინად არის - შენი სხეული, შენი სუნთქვა! და მეც ამ კანის ბინადარი, ვგრძნობ რომ ესაა სახლი. სულმოუთქმელად ვეწაფები - ვამბობ! ათასჯერ მითქვამს, ის რაც ჩემია, ჩემია, ნუ მებრძვი - თორემ ტყვიას გახლი. ქარი აშრიალებს ფოთლებს, ქარს ნებდებიან ფითლები. და მეც ვცლი არაყის ბოთლებს, დაგროვდნენ ცარიელი ბოთლები. ძილი შენს მკერდთან ახლოს - შენი თვალების ფერი! აი! სადაც მე ვსახლობ, შენ ხარ და შენი სიყვარული! დიახ ასეა ქალბატონო! ჩემი გრძნობების ფერიავ... შენი სუნთქვაა გამარჯვება - შენთან ყოფნა კი სიხარული. ეს ქალაქები დაღუპვისკენ ისე ჩქარობენ, რომ უნებლიედ სიყვარულის ამბებს მღერიან... ჩემი თვალები დამიჯერე შენ არ დაგთმობენ, რადგან შენს გულზე უკეთესი არაფერია!
© POETRY.GE 2013 - 2024
@ კონტაქტი
0 კომენტარი